Your Steps to Cloud Computing

 Your Steps to Cloud Computing

خلال الشهر الماضى ارسل لى عدة اسئله واستفسارات من عدة اشخاص فى نفس الوقت بخصوص موضوع ال Cloud Computing  وانة ازاى يتعلمة وكورساته وهل هو مطلوب فى السوق او لا ؟ مش عارف اية سبب وتوقيت هذة الاسئلة واية الرابط بين الاشخاص دول انهم يسالوا نفس الاسئلة فى نفس الوقت تقريبا توقعى انه حاليا موسم مناقشة مشاريع التخرج وانتوا عارفين ان الموضة حاليا فى مشاريع التخرج انها تكون عن ال Cloud المهم بغض النظر عن سبب هذة الاسئلة فى هذا الوقت انا هحاول اجاوب عن هذة الاسئلة من وجهه نظرى للسوق وعلى حسب علمى المتواضع واى شخص معترض على شئ هيقراءه او عندة شئ يضيفة ياريت يضيفة فى ال comment  واحنا بنرحب بكل الاراء   المقاله هتكون فى صورة اسئلة واجوبه لااغلب الاسئلة اللى بتدور فى ذهن المهتمين بهذا المجال  

• ما هو ال Cloud Computing ؟

طبعا دة يعتبر اصعب سؤال فى الموضوع دة لان ال Cloud Computing  اصبحت كلمة مطاطة جدا واصبح ينسب اليها تكنولوجيات قديمة وجديدة وادرجوها تحت هذا الاسم . لذلك لو بحثت فى جوجل عن تعريف الموضوع دة هتلاقى الاف المقالات التحليلية ليه وكل واحد بيشرحة وبيعرفة من منظورة لذلك اصبح موضوع تعريف ال cloud computing  من الموضوعات الجدلية التى لا احب ان اخوض فيها ولن يستفيد بها احد فى النهاية  

• كيف ابدء تعلم ودراسة ال Cloud Computing ؟

للاجابة على هذا السؤال يجب ان نحدد مسارات للعمل على هذة التكنولوجيا لان كل مسار له كورساتة ودراستة الاول : هل انت تريد ان تبنى داتا سنتر او تعمل فى شركة بتقدم هذة الخدمة لعملاء اخرين بمعنى اوضح انت هتبنى داتا سنتر وهتجيب سيرفرات وسوفت وير وغيرها من اجل انك تاجر سيرفرات لشركات اخرى وتدفع لك مقابل هذة الخدمة مثل شركات Amazon , Google , Rackspace  وغيرها الثانى : انت تعمل فى شركة وهى تريد ان تستخدم هذة التكنولوجيا لنفسها فى صورة تاجير هذة السيرفرات من شركات اخرى انت فى هذة الحالة تعتبر عميل لشركات ال cloud مع ذلك هم بيعطوك صلاحيات كبيرة من العمل فى صورة ادارة السيرفرات او التطبيقات التى تستخدمونها فى صورة ايجار من شركات اخرى ويعطوك بعض الصلاحيات لادارتها   على حسب كل نوع من النوعين السابقين هيتحدد مسار دراستك وهنوضحها الان   فى النوع الاول : انت هتكون مسئول عن كل شئ طبعا هيكون معاك فريق كبير لكن انتوا هتبوا كل شئ من البداية من اول السيرفرات المكان وكل متعلقات الداتا سنتر وبعدين نبدء الجزء الخاص بينا وهو ال ازاى اقدم خدمة ال Cloud  للعملاء هنا هتحتاج سيرفرات نقوم بعمل عليها Hypervisor  لعمل host VMs للعملاء ( ملحوظة : هنا فى نقطة جدلية ان ال Cloud  مرتبط بال virtualization technology وهل ممكن نعمل ال Cloud  على سيرفرات Physical  بدون ما نعمل Hypervisor  ايوة ممكن من الناحية النظرية لكنها من الناحية العملية هتخسرك من الناحية المادية وهتخسر مميزات كتير من الناحية التقنيه ) لذلك اغلب ان لم يكن كل الداتا سنتر اللى بتقدم هذة الخدمة بتكون كل ال Datacenter شغال  ب ال Virtual Technology  . لذلك كل كلامنها هيكون من الناحية العملية والواقع العملى مش الفلسفى زى الكتب الاكاديمية لذلك اول خطوة تبنى داتا سنتر تعمل ب ال virtualization technology بعض النظر عن نوع ال Hypervisor اللى هتستخدمة لان فية كتير حاليا بيقدموا ال Hypervisor مثل VMware , Microsot ,Redhat , Orcal وغيرها كتير بصفة عامة اختيارك لنوع ال Hypervisor اللى هتستخدمة بيعتمد فى الواقع على عاملين وهما مادى وهو سعر هذا ال Hypervisor لان فية منة مجانى وفية منة تجارى باسعار كبيرة والعامل التانى وهو technical  وهو مميزات وعيبوب كل نوع وما مدى دعمة للخدمات التى سوف نقوم ببيعها – على اساس هذة العاملان يمكن ان تحدد اى hypervisor  سوف تستخدمة فية على الانترنت عشرات المقالات فى المقارنات بين انواع ال Hypervisor بعد اختيارك لنوع ال Hypervisor اللى هتستخدمة هنا لازم تدرسة وتتعلمة وكل واحد لية كورسات وامتحاناته لذلك لن نذكر هنا كتب او امتحانات او كورسات لان الموضوع فى النهاية متعلق باية نوع ال hypervisor لكن فى النهاية هما فكرتهم واحدة فانت لو درست اى واحد فيهم ممكن بس تتعلم اية الفروق بينة وبين الانواع الاخرى وتبقى ملم بيهم وتستطيع العمل عليهم   الخطوة الثانية وهى الاهم وهى اية ال Application  اللى هستخدمة فى بناء وادارة ال VMs وهو نفسة اللى هيقدمها للعملاء للعمل عليها ومن خلاله ادير كل شئ فى الداتا سنتر واقدر احسب التكلفة كمان للعملاء هنا تعتبر اهم نقطة فى ال Cloud  لان الجزء دة من خلاله هتعمل كل شئ طبعا فية عدة شركات بتنتج عدة تطبيقات من خلالها تقدر تبنى ال Cloud الخاص بيك على اى Hypervisor عندك او حتى سيرفرات Physical  ومنهم تطبيقات مجانية وفية منها غير مجانى ومن اشهرهم على سبيل المثال وليس الحصر VMware vCloud Director and vCAC و Open Stack  وغيرهم كتير وفية غيرهم تطبيقات سهلة وبسيطة جدا حاليا بتنتجها شركات صغيرة ومش محتاجة كورسات او شئ لكن طبعا الاختيار هيتم على اساس الناحية المادية والفنية مثل اختيارك لل Hypervisor وطبعا الكورسات اللى هتدرسها هتبقى على اساس التطبيق اللى هتستخدمة   النوع التانى : هو ابسط كتير من النوع الاول فى التعلم والعمل لانك تعتبر فى النوع دة مستخدم فقط وليه صلاحيات محدودة على السيرفرات او التطبيقات اللى تقوم باستئجارها من الشركة وعلى حسب نوع ال Cloud  المستخدم بيتحدد مستوى صلاحياتك فمثلا لو مستخدم IaaS هيبقى ليك صلاحيات كبيرة على ال VM من الداخل بدون ما تستطيع التعامل عليها من الخارج لكن فى حالة لو مستخدم خدمة ال SaaS  فى هذة الحالة يكون صلاحياتك داخل التطبيق المستاجر فقط وامثلة لذلك مثلا الخدمات التى تبيعها شركة مثل جوجل او امازن او مايكروسوفت مع ذلك يوجد كورسات لكيفية التعامل مع هذة الخدمات المقدمة ليك لان اصبح ليها عشرات الاشكال فهناك كورسات وامتحانات متعددة عند امازون ومايكروسوفت ولها مسارات عدة والعديد من الامتحانات على حسب نوع الخدمة التى تستخدمها

• هل يجب ان ادرس كورسات ل virtualization technology قبل ال cloud ؟

لو انت هتعمل على النوع الاول فلازم تدرسها وبتعمق ولن تسطيع ان تعمل على ال cloud  او تقدمة لاحد بدون ما تبنى ال virtual datacenter لانها هى الاساس عندك وكل شئ مبنى عليها اما لو هتعمل على النوع التانى فلن تحتاج  لمعلومات اكتر يرجى قراءة هذا المقال http://www.vmman.me/your-steps-for-vt/  

• هل يوجد شركات تعمل بال Cloud Computing فى مصر او العالم العربى ؟

طبعا دة سؤال دائما بسمعة مع كل تكنولوجيا جديدة طبعا الاجابة تعتمد على النوعين اللى شرحناهم فى السؤال السابق ففى النوع الاول : تعتبر الشركات العربية التى تقدم هذة الخدمة قليلة للغاية وتعد على اليدين وخدماتها محدودة وتقدم صور معينة وباحجام معينة دة طبعا لطبيعة السوق من الناحية التجارية وال infrastructure  المتوفرة فى منطقتنا ونمو هذا الشركات بطئ لان المنافسة العالمية امامة اقوى وافضل منة فى جميع الاوجه النوع الثانى : وهو يعتبر اكتر انتشارا وسريع فى النمو للغاية وان كان لا يوجد حتى الان وظيفة فى منطقتنا العربية مطلوب فيها هذا التخصص فقط وانما اغلب الذين يعملوا فى هذا النوع يعملون بعض الاشياء الاخرى لان حجم الشركات لا يستوعب شخص متخصص لهذا المجال فقط  

• هل يوجد وظائف مطلوبة لهذة التخصصات فى الوطن العربى ؟

طبعا قبل كل شئ الوظائف والعمل هذا رزق من ربنا – لكننا بناخد بالاسباب فاجبتنا للسؤال السابق توضح لنا ان الوظائف المطلوبة لهذا التخصص قليلة فى وقتنا الحالى نتيجة قلة الشركات العاملة فى النوع الاول وايضا الشركات التى تعمل على النوع الثانى تريد شخص يستطيع العمل على عدة تكنولوجيات اخرى

• ما هو مستقبل هذة التكنولوجيا فى عالمنا العربى ؟

برائى المتواضع والذى ممكن تتفق معه او تختلف ان هذة التكنولوجيا فى وضع صعب فى عالمنا العربى وبالذات النوع الاول لعدة اسباب منها المادى والتقنى فاذا لم يستطيعوا ان ينافسوا خلال من 3 ال 5 سنين وينافسوا الشركات العالمية سوف ينتهوا اما النوع الثانى من ال cloud  فمستقبلة قوى جدا فى منطقتنا وبينموا بشكل كبير للغاية   دية اغلب الاسئلة اللى وصلتنى واجابتها من وجهة نظرى التى تحتمل الصواب او الخطا   انا تعمدت انى مش اذكر اسماء كورسات او امتحانات زى ما كتير عاوزين وبيطلبوا لانى مش عاوزك تربط نفسك مع منتج معين ممكن مش هتستخدمة فى النهاية وحاولت افهمك واعرضلك الموضوع من الخارج وليس من منظور شركة معينة وكورساتها فقط لكنى هسهل عليك بعض الشئ وهقولك اية اشهر تطبيقات ممكن تتعلمها طبقا لاستخدامها فى السوق والواقع وليس من ناحية مادية او تقنية   اشهر Hypervisor : VMware vSphere , Microsoft Hyper-V , Citrix XenServer , Redhat , KVM , XEN ,  دول الاشهر وليس الكل اشهر Cloud Computing application : VMware vCloud Director and vCAC , Open Stack  وفية غيرهم كتير وبالذات ال Open stack  فية منة كذا اصدار لانه Open source  وفية شركات كتير بتطورة لحسابها   ملحوظة : ال Cloud Computing Application  مش تطبيق واحد زى ما بيتصور البعض وانما هو مجموعة كبيرة من التطبيقات تقدم مع بعض لان كل واحد منهم بيقوم بدور معين وعلى حسب نوع ال Cloud  اللى بتقدمة   طبعا هناك بعض المؤسسات التعليمية فى الخارج وبعض الكتب التى قامت بعمل كتب وكورسات تتكلم عن هذة التكنولوجيا لكن بشكل عام ونظرى لانها لا تنتج اى تطبيقات تسستخدم فى هذا المجال وانا بصراحة بعتبرها تضييع للوقت مش اكتر وليست مفيدة بنفس الدرجة انك لو اتعلمت كورس لاحد الشركات التى ذكرتها فى النقطة السابقه   بكرر مرة اخرى ان كل ما ذكر من اسئلة او اجابات عبارة عن اجتهادات شخصية ووجهة نظر تقبلها او لا تقبلها هذا يرجع ليك ولك حق طبعا التعليق الكامل عليها   فى النهاية نصيحتى للجميع لا تدخل مجال او تخصص من اجل انه مطلوب او انة مرتباته عاليه وانما حدد مجالك على اساس انك بتحبة وشايف نفسك ناجح فية من اجل انك تتميز فية لان مجالنا مش مجال حكومى وبيتطور بسرعة والتكنولوجيا بتتطور بسرعة جدا فلازم تبقى بتحبها وحابب تطور نفسك فيها من اجل انك تبقى ناجح فىها مش موظف فقط ومصدر رزق   وبالتوفيق للجميع